Heartbleed དང་ Psiphon
2014-10-04 - 1 སྐར་མའི་ཀློག་ཡུན།
གསར་བཅོས་བྱས་པ།: 2021-09-26
Psiphon ཐོག་ Heartbleed ཀྱི་ཤུགས་རྐྱེན་སྐོར་གྱི་སྙིང་བསྡུས།:
- Psiphon ཞབས་ཞུ་ཆས་ཁ་ཤས་ཀྱིས་ OpenSSL ཡི་ཤུགས་རྐྱེན་ཐེབས་པའི་ཐོན་རིམ་ཁག་བཀོལ་སྤྱོད་བྱེད་བཞིན་ཡོད་པས། Python དྲ་བའི་ཞབས་ཞུ་ཆས་དེ་ Heartbleed རྒོལ་རྡུང་ལ་ཉེན་ཁ་ཆེ་བར་གྱུར་ཡོད། དྲ་བའི་ཞབས་ཞུ་ཆས་ཀྱི་ཆ་ཤས་བརྒྱུད་རིམ་ནང་ཉེན་ཁ་ཡོད་པའི་གཞི་གྲངས་ཀྱི་གྲས་སུ། དྲ་བའི་ཞབས་ཞུ་ཆས་ཀྱི་ལྡེ་མིག་རྒྱུ་ཆ་མ་ཟད། Psiphon དྲ་རྒྱའི་ཆགས་སྟངས་གནས་ཚུལ་དང་དྲ་རྒྱ་བཀོལ་སྤྱོད་ཀྱི་སྡོམ་རྩིས་ཀྱང་ཚུད་ཡོད།
- SSH/SSH+ Psiphon བརྒྱུད་ལམ་ཁག་ལ་ཉེན་ཁ་མེད། Psiphon ཞབས་ཞུ་ཆས་བརྒྱུད་ནས་འགྲོ་བའི་སྤྱོད་མིའི་རྒྱུག་འགྲུལ་ལའང་ཉེན་ཁ་མེད། སྐབས་སོ་སོའི་དག་བཤེར་གསང་གྲངས་དེ་ Python དྲ་བའི་ཞབས་ཞུ་ཆས་ཀྱི་དྲན་མཛོད་ནང་ཡོད་པའི་རྐྱེན་གྱིས། VPN Psiphon བརྒྱུད་ལམ་ཁག་ལ་བར་མི་གློག་འཇབ་རྒོལ་གྱི་ཉེན་ཁ་འབྱུང་སྲིད་པ་ཡིན།
- 2014 ལོའི་ཟླ་ 4 ཚེས་ 8 ཉིན། ཤུགས་རྐྱེན་ཐེབས་པའི་ Psiphon ཞབས་ཞུ་ཆས་ཡོངས་ལ་ OpenSSL ལྷན་པ་བརྒྱབ་ཡོད། དེ་མིན། ཤུགས་རྐྱེན་ཐེབས་པའི་ཞབས་ཞུ་ཆས་ཡོངས་ཀྱི་ SSH/SSH+ མ་ཡིན་པའི་ནུས་པ་རྣམས་ཕྱིར་འཐེན་བྱས་ཡོད (སྤྱོད་མིའི་མཐུད་སྣེ་ཡོངས་ལ་ཕྱིའི་རྒྱུད་ལམ་ནས་གསར་བཅོས་བྱས་པ)། དེས་སྤྱོད་མིའི་མཐུད་སྣེ་ཡིས་བདེ་འཇགས་བརྒྱུད་ལམ་གྱི་ཕྱི་རོལ་དུ་ཉེན་ཁ་ཤོར་སྲིད་པའི་དྲ་བའི་ཞབས་ཞུ་ཆས་ཀྱི་ལྡེ་མིག་རྒྱུ་ཆ་བཀོལ་སྤྱོད་མི་བྱེད་པའི་འགན་ལེན་བྱེད་ཀྱི་ཡོད།
- Windows སྤྱོད་མིའི་མཐུད་སྣེ་ཡིས་ OpenSSL བཀོལ་སྤྱོད་མི་བྱེད་པས། Heartbleed རྒོལ་རྡུང་གི་ཤུགས་རྐྱེན་ཐེབས་མེད།
- Android སྤྱོད་མིའི་མཐུད་སྣེས་རང་ཉིད་ཀྱི་བརྒྱུད་ལམ་ལ་ OpenSSL བཀོལ་སྤྱོད་མི་བྱེད་མོད། འོན་ཀྱང་ Psiphon དྲ་བའི་ཞབས་ཞུ་ཆས་དང་ Amazon S3 ལ་དྲ་བའི་རེ་ཞུ་གཏོང་བར་ Android Java SSL བཀོལ་སྤྱོད་བྱེད་ཀྱི་ཡོད། Android ཐོན་རིམ་ 4.1.1 ལ་ Heartbleed ཀྱི་ཤུགས་རྐྱེན་ཐེབས་ཡོད་པའི་ཆ་ནས, Android ཐོན་རིམ་འདིའི་ཐོག་ཡོད་པའི་ང་ཚོའི་ཉེར་སྤྱོད་ལས་རིམ་གྱི་དྲན་མཛོད་ལ་ Amazon དང་། Psiphon ཞབས་ཞུ་ཆས། ཡང་ན་བར་མི་གློག་འཇབ་པ་ཞིག་གིས་ལྐོག་ལྟ་བྱེད་པའི་ཉེན་ཁ་སྔར་བཞིན་ཡོད།
- གློག་འཕྲིན་རང་འགུལ་ལན་འདེབས་ཞབས་ཞུ་ཆས་ལ་ཤུགས་རྐྱེན་ཐེབས་པའི་ OpenSSL ཐོན་རིམ་དེ་ཡོད། དེར་རྒོལ་རྡུང་གཏོང་སྟངས་ནི་ (ཞབས་ཞུ་ཆས་དེ་བཀོལ་སྤྱོད་བྱེད་པའི་ཁ་བྱང་ཞིག་ནས་གློག་འཕྲིན་རེ་ཞུ་བཏང་སྟེ) དེ་ལ་ཐག་རིང་གློག་འཕྲིན་ཞབས་ཞུ་ཆས་ཤིག་དང་ SSL མཐུད་མཐུད་བྱེད་དུ་བཅུག་ནས། དེའི་རྗེས་སུ་གློག་འཕྲིན་ཞབས་ཞུ་ཆས་ཀྱི་དྲན་མཛོད་ལ་ལྐོག་ལྟ་བྱེད་རྒྱུ་དེ་ཡིན། འདིས་ཁ་བྱང་ཚུད་པའི་གློག་འཕྲིན་གྱི་ནང་དོན་ཕྱིར་ཤོར་སྲིད་པ་ཡིན། OpenSSL ལྷན་པ་རྣམས་ 2014 ལོའི་ཟླ་ 4 ཚེས་ 8 ཉིན་བརྒྱབ་ཟིན།
- བསམ་འཆར་ཐག་གཅོད་ཞབས་ཞུ་ཆས་ལ་ཤུགས་རྐྱེན་ཐེབས་པའི་ OpenSSL ཐོན་རིམ་དེ་ཡོད། དེས་ (Python + Boto བརྒྱུད) དཔེ་མཛོད་དེ་བཀོལ་སྤྱོད་བྱས་ནས་ Amazon AWS ཞབས་ཞུ་ཁག་དང་ Google Gmail ཞབས་ཞུ་ཆས་ལ་ SSL མཐུད་མཐུད་བྱས་ཡོད་སྲིད། དེའི་དོན་ནི་ Amazon ཡང་ན་ Google ཡིས་ སྤྱོད་མིའི་བསམ་འཆར་གཞི་གྲངས་ ལ་འབྲེལ་གཏུག་བྱས་ཡོད་སྲིད་པ་དེ་ཡིན། འོན་ཀྱང་། གཞི་གྲངས་འདི་དག་སྔར་ནས་ Amazon EC2 ནང་ཉར་ཚགས་བྱས་ཡོད་པ་དང་། གཞི་གྲངས་འདིའི་ཆ་ཤས་ཤིག་ Gmail བརྒྱུད་ནས་ང་ཚོར་གློག་འཕྲིན་བཏང་ཡོད་པ་ཤེས་དགོས། OpenSSL ལྷན་པ་རྣམས་ 2014 ལོའི་ཟླ་ 4 ཚེས་ 8 ཉིན་བརྒྱབ་ཟིན།
- Psiphon གྱིས་ཤུགས་རྐྱེན་ཐེབས་པའི་ OpenSSL ཐོན་རིམ་བཀོལ་སྤྱོད་བྱེད་ཀྱི་མེད།