7ASecurity tomonidan Psiphon kodi boʻyicha yaqinda oʻtkazilgan xavfsizlik auditi “Hech qanday jiddiy xavfsizlik kamchiliklari yoʻq” deb topdi

Shaffoflik va xavfsizlikning eng yuqori standartlariga erishish bo‘yicha doimiy majburiyatimiz doirasida Psiphon to‘rtta yangi Psiphon takomillashtirishlariga oid kod bazasini xavfsizlik tekshiruvidan o‘tkazishni 7ASecurity kompaniyasiga topshirdi. Natijada olingan hisobot ommaviy bo‘lib, uni quyidagi manzildan topish mumkin: https://7asecurity.com/reports/pentest-report_psiphon-e.pdf. 

To‘liq manba kodi taqdim etilganini anglatuvchi “oq quti” yondashuvidan foydalangan holda xavfsizlik jamoasi Psiphon'ning xavfsiz kod yozish bo‘yicha eng yaxshi amaliyotlarga muvofiqligini aniqlashga hamda o‘z xulosalari asosida zarur o‘rinlarda himoya bo‘yicha tavsiyalar berishga kirishdi. Xavfsizlik jamoasi barcha Psiphon manba kodi va uchinchi tomon kutubxonalarini tekshirish uchun turli vositalar va usullardan foydalandi. Shuningdek, ehtimoliy hujum vektorlari, raqamli izlar (fingerprinting) va hujum paytida Psiphon o‘zini qanday tutishini aniqlash uchun tarmoq trafigi ham tahlil qilindi. 

Jamoaning xulosalari quyidagicha bo‘ldi: 

“Psiphon platformasi keng ko‘lamli hujum vektorlariga chidamli ekani aniqlandi va umumiy mustahkam taassurot qoldirdi. 

Bu yechim ortidagi jamoaning mahoratidan dalolat beradi. 7ASecurity faqatgina 1 ta past darajadagi xavfsizlik zaifligini aniqladi. Shunday ekan, ushbu vazifa davomida jiddiy xavfsizlik kamchiliklari aniqlanmadi. Qolgan 4 ta holat turli xil zaifliklar sifatida tasniflandi va shuning uchun zaiflik deb hisoblanmaydi.”

Psiphon kod bazasi ochiq manbali bo‘lib, unga GitHub orqali kirish mumkin. Psiphon kodining avvalgi xavfsizlik auditlari bilan bizning veb-saytimiz va Psiphon blogi orqali tanishish mumkin. 

Biz 7ASecurity jamoasining sa'y-harakatlari uchun minnatdorchilik bildiramiz va Psiphon dasturiy muhandislari hamda manba kodi hamon shunday yuqori baholanayotganidan mamnunmiz.