Psiphon 3-iň garaşsyz howpsuzlyk bahalandyrmasy

Biz Psiphon-da açyk çeşmeli işläp taýýarlamaga ygrarlydyrys. Bu barada öňki blog ýazgysynda aýdyp geçipdik we biziň çeşme kodumyza şu ýerden girip bilersiňiz.

Ýakynda bize bu açyklygy has-da öňe sürmek üçin iSEC Partners tarapyndan Windows we Android önümlerimize resmi howpsuzlyk barlagyny geçirmek mümkinçiligi döredi. Iş alyp baryş usulymyzda aýdyň bolmak tagallamyzyň bir bölegi hökmünde, bu hasabaty dolulygyna çap etmekden şatdyrys, oňa şu ýerden girip bilersiňiz.

Umuman aýdanyňda, howpsuzlyk barlagynyň netijelerine we biziň "[öz] ulanyjylarymyzyň howpsuzlygyny üpjün etmäge işjeň maýa goýýandygymyzyň" ykrar edilmegine örän begenýäris. iSEC Partners tarapyndan ýüze çykarylan Ýokary Howplulykdaky bir meseläni eýýäm çözdük we wagtyň geçmegi bilen beýleki maslahatlary hem durmuşa geçirmegi dowam etdireris.

Hasabatyň esasy netijeleri şulardan ybarat:

• Psiphon senagatyň iň gowy tejribeleriniň köpüsine eýerýär we başarmaýan ýerlerinde hüjümlere garşy çäreleri görýär.
• Netijeleriň köpüsi, esasanam programma üpjünçiligini ulanýan adamlaryň sanynyň artmagy bilen baglanyşykly ulgamy has-da gowulandyrmak boýunça teklipler boldy.
• Hiç hili içerki arhitektura kemçilikleri ýüze çykarylmady.
• Awtomatlaşdyrylan serwer ýama goýmagy bilen baglanyşykly bir sany Ýokary Howplulyk meselesi tapyldy. Biz indi Ansible ulanyp, awtomatlaşdyrylan serwer ýama goýmagyny orlaşdyrdyk.
• Has uzak möhletleýin maslahatlar göz öňünde tutulýar we ýerlikli ýerinde ösüş meýilnamalarymyza girizilýär.

Aýratyn gyzyklanma döredýän bir netije hem, diňe-brauzer tertibi üçin ulanýan brauzerimiz bilen baglanyşykly howpsuzlyk meseleleriniň döremek ähtimallygynyň iSEC Partners tarapyndan ykrar edilmegidir. Brauzerde täze howpsuzlyk kemçiligi ýüze çykarylanda bu barada ýakynda ýazypdyk we oňa garşy täsirini azaltmak üçin eýýäm çäreleri gördük.

Bu howpsuzlyk synyna gatnaşmak mümkinçiliginiň berlenine örän şat bolduk. Bu hasabaty gyzykly taparsyňyz we elmydama açyk çeşmeli hem-de howpsuz boljak birinji derejeli programma üpjünçiligini üpjün etmäge bolan ygrarlylygymyza sizi ynandyrar diýip umyt edýäris.