བཀག་སྡོམ་ཐེངས་གཉིས་པའི་ཁྲོད། Psiphon གྱིས་བྲཱ་ཟིལ་དུ་ WhatsApp མུ་མཐུད་སྤྱོད་ཐུབ་པར་བྱས།

ཟླ་བ་བཅུ་གཉིས་པའི་ནང་། Psiphon གྱིས་སྔོན་མ་པ་རཱ་ཛིལ་དུ་བཀག་སྡོམ་བྱུང་བའི་དོན་རྐྱེན་སྐོར་ཟིན་བྲིས་སྤེལ་ཡོད། འདི་ནས་གཟིགས་ཐུབ།

པ་རཱ་ཛིལ་རྒྱལ་ཡོངས་སུ་ WhatsApp འཕྲིན་གཏོང་ཞབས་ཞུ་སླར་ཡང་མཚམས་འཇོག་བྱས་པར་བརྟེན་ནས། པ་རཱ་ཛིལ་དུ་ Psiphon བཀོལ་སྤྱོད་བྱེད་མཁན་གྱི་གྲངས་འབོར་ཤུགས་ཆེན་པོས་འཕར་ཡོད། ཟླ་ ༥ ཚེས་ ༢ ཉིན། པ་རཱ་ཛིལ་གྱི་མངའ་སྡེའི་ཁྲིམས་དཔོན་ Marcel Maia Montalvão ཡིས་ WhatsApp ཆུ་ཚོད་ ༧༢ རིང་བཀག་སྡོམ་བྱ་རྒྱུའི བཀའ་རྒྱ་བཏང་ཡོད། ཁྲིམས་དཔོན་དེས་ནག་ཉེས་རྩད་ཞིབ་ཅིག་གི་ཆ་ཤས་སུ་ WhatsApp ལས་སྤྱོད་མིའི་གནས་སྡུད་འཚོལ་བཞིན་ཡོད། གཟའ་ཟླ་བའི་ས་གནས་ཀྱི་དུས་ཚོད་ཕྱི་དྲོ་ ༢ ནས་བཟུང་། འགྲེམ་འབྲེལ་ལག་ཐོགས་ཞབས་ཞུ་མཁོ་སྤྲོད་བྱེད་མཁན་གཙོ་བོ་ལྔ་ལ་འཕྲིན་གཏོང་ཞབས་ཞུ་དེ་བཀག་སྡོམ་བྱེད་དགོས་པའི་བཀའ་ཕབ་ཡོད།

ཉེ་ཆར་ WhatsApp ཞབས་ཞུ་མཚམས་འཇོག་བྱས་པར་ལན་འདེབས་སུ། ཀུང་སིའི་སྤྱི་ཁྱབ་འགན་འཛིན་ Jan Koum ཡིས་ Facebook ཐོག་འཕྲིན་ཡིག་ཅིག་སྤེལ་ནས། “ཁྲིམས་ཁང་ཞིག་གིས་ WhatsApp ལ་ང་ཚོར་མེད་ཅེས་ཡང་དང་ཡང་དུ་བཤད་པའི་གནས་ཚུལ་རྩིས་སྤྲོད་བྱེད་དགོས་པའི་རེ་བ་བཏོན་པའི་རྐྱེན་གྱིས། སླར་ཡང་ཉེས་མེད་པ་རཱ་ཛིལ་གྱི་མི་ས་ཡ་མང་པོར་ཉེས་ཆད་ཕོག་བཞིན་ཡོད། ང་ཚོས་མི་རྣམས་ཀྱི་གནས་ཚུལ་ཉེན་མེད་བདེ་འཇགས་ཡོང་ཆེད་ WhatsApp ཐོག་གི་འཕྲིན་ཡིག་རྣམས་སྣེ་ནས་སྣེ་བར་གསང་སྡོམ་ (end-to-end encrypt) བྱེད་པ་ཙམ་དུ་མ་ཟད། ཁྱེད་ཀྱི་ཁ་བརྡའི་ལོ་རྒྱུས་ཀྱང་ང་ཚོའི་རྩིས་འཁོར་གཙོ་བོ་ (servers) ནང་ཉར་ཚགས་མི་བྱེད། ཁྱེད་ཀྱིས་སྣེ་ནས་སྣེ་བར་གསང་སྡོམ་བྱས་པའི་འཕྲིན་ཡིག་ཅིག་གཏོང་སྐབས། གཞན་སུས་ཀྱང་དེ་ཀློག་མི་ཐུབ་ལ། ང་ཚོས་ཀྱང་ཀློག་མི་ཐུབ།” ཅེས་བརྗོད་ཡོད།

WhatsApp ཡི་ཁྲིམས་རྩོད་པས་གཏུག་བཤེར་བྱས་པའི་རྗེས་སུ། གཟའ་མིག་དམར་ཉིན་ཁྲིམས་དཔོན་གཞན་ཞིག་གིས་ མཚམས་འཇོག་གི་བཀའ་དེ་ཕྱིར་འཐེན་བྱས་པས། WhatsApp ཡིས་པ་རཱ་ཛིལ་དུ་ཞབས་ཞུ་སླར་གསོ་བྱེད་ཐུབ་པ་བྱུང་ཡོད།

ཟླ་བ་གསུམ་པའི་ནང་། ནག་ཉེས་རྩད་ཞིབ་ཁྲོད་དུ་ཁྲིམས་འབོད་བྱས་པའི་འཕྲིན་ཡིག་རྣམས་ WhatsApp ཡིས་སྤྲོད་མ་ཐུབ་པའི་རྗེས་སུ། ཁྲིམས་དཔོན་ Montalvão ཡིས་ཁྲིམས་ལུགས་ལག་བསྟར་ལ་བཀག་འགོག་བྱས་པའི་ཉེས་འཛུགས་འོག Facebook ཡི་འགན་འཛིན་ Diego Dzodan འཛིན་བཟུང་བྱེད་དགོས་པའི བཀའ་བཏང་ཡོད། ཉིན་གཅིག་གི་རྗེས་སུ། གཏུག་བཤེར་ཁྲིམས་དཔོན་ཞིག་གིས་བཀའ་རྒྱ་དེ་ཕྱིར་འཐེན་བྱས་ཏེ་ Dzodan གློད་གྲོལ་བཏང་ཡོད། WhatsApp ནི་ Facebook Inc ཡི་དབང་དུ་ཡོད་ནའང་། ཀུང་སི་གཉིས་པོ་སོ་སོར་ལས་དོན་གཉེར་བཞིན་ཡོད།

དེའི་རྗེས་ཀྱི་གསར་འགོད་གསལ་བསྒྲགས་ཤིག་གི་སྐབས་སུ། Dzodan ཡིས་ WhatsApp ཡིས་གནས་སྡུད་རྩིས་སྤྲོད་བྱེད་མི་ཐུབ ཅེས་བརྗོད་ཡོད། གང་ལགས་ཞེ་ན། སྤྱོད་མིའི་འཕྲིན་ཡིག་རྣམས་བསྐུར་ཟིན་པའི་རྗེས་སུ་དེ་དག་ཉར་ཚགས་མི་བྱེད་པས་ཡིན། དེར་བརྟེན་འཕྲིན་གཏོང་ཞབས་ཞུ་འདིས་སྣེ་ནས་སྣེ་བར་གསང་སྡོམ་བཀོལ་སྤྱོད་བྱེད་ཀྱི་ཡོད་པས་འཕྲིན་ཡིག་བར་འགོག་བྱེད་མི་ཐུབ།

Psiphon བེད་སྤྱོད་བཏང་ནས། པ་རཱ་ཛིལ་གྱི་ WhatsApp སྤྱོད་མི་ཚོས་ཉེར་སྤྱོད་དེར་མུ་མཐུད་དམ་སླར་ཡང་འཇུག་ཐུབ་པ་བྱུང་ཡོད། བཀག་སྡོམ་བྱས་ནས་ཐོག་མའི་ཆུ་ཚོད་ ༢༤ ཡི་ནང་། པ་རཱ་ཛིལ་དུ་ Psiphon སྤྱོད་མིའི་གྲངས་འབོར་ལྡབ་གསུམ་གྱིས་འཕར་ཡོད། པ་རཱ་ཛིལ་གྱི་ Globo གསར་འགྱུར་དྲ་བས་བཀག་སྡོམ་ལས་གཡོལ་ཐབས་སུ་ Psiphon བཀོལ་སྤྱོད་བྱེད་རྒྱུའི་གྲོས་འགོ་བཏོན་ཡོད།

པ་རཱ་ཛིལ་དུ་ Psiphon: ཆུ་ཚོད་རེའི་བའིཊ་གྲངས། ༢༠༡༦ ཟླ་ ༤ ཚེས་ ༢༩ – ཟླ་ ༥ ཚེས་ ༤: