Wickr xavfsiz ochiq kirish

Psiphon hayajonli yangi hamkorlikni e'lon qilishdan mamnun. Oxirgi bir necha oy davomida biz Wickr bilan birgalikda ularning xavfsiz xabar almashish platformalari uchun yangi funksiya yaratish ustida ishladik:

Ushbu funksiya yordamida Wickr va Psiphon dunyoning istalgan nuqtasidagi — AQSH, Yevropa, Osiyo yoki Lotin Amerikasidagi jamoalar va korxonalar uchun xizmatda hech qanday uzilishlarsiz ishonchli, to‘liq shifrlangan (end-to-end encrypted) xabarlar almashish, qo‘ng‘iroq qilish, fayl va ekran ulashish imkoniyatini yaratdi. Boshqa hech bir xavfsiz aloqa platformasi butun dunyo bo‘ylab bunday to‘siqsiz ulanishni ta’minlay olmaydi.

O‘zining ko‘p qirrali platformasi bilan xavfsiz xabar almashish sohasida mustahkam o‘rin egallagan Wickr, tashkilotlar tobora globallashib borayotgan bir paytda butun dunyodagi odamlar uchun xavfsiz aloqani ta’minlashga urinishda ham xavfsizlik, ham qulay foydalanish bilan bog‘liq xavotirlar paydo bo‘lishi mumkinligini tushunib yetdi.

Wickr o‘zining yakuniy foydalanuvchilari qayerda bo‘lishidan qat’i nazar, hamkasblari, do‘stlari yoki oilasi bilan bog‘lana olish haqida qayg‘urmasliklari kerak deb hisoblaydi va Psiphon ham bunga to‘liq qo‘shiladi.

Psiphon'ning ilg‘or tarmoq protokollarini yangi funksiyasiga integratsiya qilish orqali Wickr o‘zining yakuniy foydalanuvchilariga o‘z trafigini osonlikcha himoya qilish va uni Psiphon tarmog‘i orqali yuborish imkonini beradi hamda ularning qayerda bo‘lishidan qat’i nazar har doim aloqada qolishlarini ta’minlaydi.

Yangi hamkorligimiz haqida batafsil ma'lumotni bu yerda o‘qishingiz mumkin.