Psiphon 10 yoshda!
13/12/2016 - 3 daqiqalik mutolaa
Yangilangan: 25/09/2021
Bu oy Psiphon 10 yoshga toʻldi! Qoʻllab-quvvatlaganingiz uchun sizga minnatdorchilik bildiramiz va Internetni yana koʻp yillar davomida ochiq saqlashga umid qilamiz!
Psiphon Toronto universitetining Citizen Lab laboratoriyasida bir-birini taniydigan odamlar oʻrtasidagi “ishonch tarmogʻi” sifatida boshlangan. Dasturning birinchi versiyasi senzurasiz mamlakatdagi insonning kompyuteriga senzura oʻrnatilgan hududdagi doʻsti uchun server vazifasini bajarishga imkon bergan va ochiq Internetga haqiqiy ehtiyoj borligini isbotlashga yordam bergan.
Koʻp oʻtmay Psiphon 2 ishlab chiqildi, bu esa senzura oʻrnatilgan hududlardagi odamlardan senzurasiz mamlakatdagi odamlarni bilishni talab qilmay qoʻydi. Psiphon senzura oʻrnatilgan hududlardagi foydalanuvchilar uchun proksi vazifasini bajaruvchi va oddiy URL orqali kirish mumkin boʻlgan Psiphon tugunlari deb nomlanuvchi serverlarni boshqaradi.
2008-yilda Psiphon Netxplorateur Grand Prix 2008 sovrinini qoʻlga kiritdi. Hakamlar hayʼati Psiphon’ni “dunyoning eng original, muhim va namunali Tarmoq va raqamli tashabbusi” deb atadi. Keyingi yili Psiphon The Economist Best New Media Award mukofoti bilan Index on Censorship tomonidan eʼtirof etildi.
2011-yilda Windows uchun Psiphon 3 deb nomlanuvchi yuklab olinadigan Psiphon ilovasi ishga tushirildi, bu tizim proksilarini taniydigan har qanday ilovaga Psiphon tunneli orqali tarmoqqa kirish imkonini berdi. 2012-yil oxirida Psiphon 3 mobil qurilmalar uchun ham taqdim etildi. Psiphon 3 dinamik va barqarordir. Yetakchi dasturchilardan iborat mutaxassislar jamoamiz dasturni takomillashtirish va internetda uchraydigan tobora ilgʻor senzura usullariga qarshi kurashish ustida tinimsiz ish olib bormoqda. Bu shuni anglatadiki, Psiphon boshqa oddiy VPN’lar ishlamay qolgan paytda ham koʻpincha ishlayveradi. Psiphon’ning barcha dasturiy taʼminoti ochiq manbali boʻlib, xavfsizlik boʻyicha mustaqil tekshiruvdan oʻtgan.
Psiphon mashhurligi koʻp jihatdan media homiylarimiz va hamkorlarimiz orqali olib borilgan targʻibotga bogʻliq. Biz Torontoda joylashgan ASL19 NNT bilan yaqindan hamkorlik qilamiz, ular Yaqin Sharq va Shimoliy Afrika mintaqasidagi internet foydalanuvchilariga oʻzlarining onlayn raqamli huquqlarini himoya qilishda va axborot olishda yordam beradi. Biz, shuningdek, Deutsche Welle, BBC va Voice of America kabi yirik teleradioeshittirish kompaniyalari bilan oʻz auditoriyasiga yetib borishlariga yordam berish hamda Psiphon foydalanuvchilariga yangiliklar va ochiq Internetga kirish imkoniyatini taqdim etish uchun ishlaymiz.
Shuningdek, biz kontent tarqatish tarmogʻimiz orqali koʻplab tashkilotlar bilan ularning turli loyihalari haqida xabardorlikni oshirishda hamkorlik qila oldik. Oʻtgan yili biz LGBT masalalari boʻyicha xabardorlikni oshirishga yordam bergan BFI Flare kinofestivalini targʻib qildik. Shuningdek, Nepalda yuz bergan zilziladan soʻng ofatdan jabr koʻrgan mintaqaga eʼtibor va xayriyalarni jalb qilish uchun Action Against Hunger tashkilotini targʻib qildik. Bu yil biz soʻz erkinligi haqidagi bir qator hujjatli filmlarni targʻib qilish uchun Google Jigsaw va VICE News bilan hamkorlik qildik, shuningdek, AQSH saylovchilarini bu yilgi prezidentlik saylovlarida ishtirok etishga undash uchun Global Citizen bilan hamkorlik qildik.
Turli xil hamkorlik imkoniyatlaridan tashqari, jamoamiz Internet erkinligiga taʼsir koʻrsatuvchi dolzarb masalalarni tushunish va gʻoyalar almashish uchun mahalliy tadbirlar hamda xalqaro konferensiyalarda faol ishtirok etadi. Oʻtgan haftada biz Internet Governance Forum doirasida VoIP taqiqlanishining hukumat, telekommunikatsiya va fuqarolik jamiyatiga taʼsiri mavzusida sessiya oʻtkazdik. Shuningdek, yaqinda Tailandda boʻlib oʻtgan birinchi Osiyo-Tinch okeani Internet boshqaruvi maktabida qatnashib, mintaqada Internet boshqaruvi bilan bogʻliq kuchayib borayotgan muammolar haqida maʼlumot oldik. Biz senzura tendensiyalarini oʻrganish va kengroq Internet erkinligi hamjamiyati bilan aloqa oʻrnatish uchun bir necha bor Internet Freedom Festivalda qatnashdik hamda kengroq texnik hamjamiyat uchun PETS maqolasiga hissa qoʻshdik.
Psiphon uchun bu voqealarga boy, innovatsion va hayajonli oʻn yil boʻldi! Biz kelajak nimalar olib kelishini intiqlik bilan kutamiz. 2017-yilda yangi innovatsiyalar va mahsulotlar chiqarilishini kuzatib boring!
10 yillik yubiley veb-saytimizni koʻrish uchun psiphon.ca saytiga tashrif buyuring va oʻyinimizni birinchilardan boʻlib oʻynang!
2017-yilda Psiphon bilan hamkorlik qilishni xohlaysizmi? Biz bilan info@psiphon.ca orqali bogʻlaning
Yangi yangilanishlardan xabardor boʻlish uchun Twitter va Facebook sahifalarimizga obuna boʻling!
Psiphon Toronto universitetining Citizen Lab laboratoriyasida bir-birini taniydigan odamlar oʻrtasidagi “ishonch tarmogʻi” sifatida boshlangan. Dasturning birinchi versiyasi senzurasiz mamlakatdagi insonning kompyuteriga senzura oʻrnatilgan hududdagi doʻsti uchun server vazifasini bajarishga imkon bergan va ochiq Internetga haqiqiy ehtiyoj borligini isbotlashga yordam bergan.
Koʻp oʻtmay Psiphon 2 ishlab chiqildi, bu esa senzura oʻrnatilgan hududlardagi odamlardan senzurasiz mamlakatdagi odamlarni bilishni talab qilmay qoʻydi. Psiphon senzura oʻrnatilgan hududlardagi foydalanuvchilar uchun proksi vazifasini bajaruvchi va oddiy URL orqali kirish mumkin boʻlgan Psiphon tugunlari deb nomlanuvchi serverlarni boshqaradi.
2008-yilda Psiphon Netxplorateur Grand Prix 2008 sovrinini qoʻlga kiritdi. Hakamlar hayʼati Psiphon’ni “dunyoning eng original, muhim va namunali Tarmoq va raqamli tashabbusi” deb atadi. Keyingi yili Psiphon The Economist Best New Media Award mukofoti bilan Index on Censorship tomonidan eʼtirof etildi.
2011-yilda Windows uchun Psiphon 3 deb nomlanuvchi yuklab olinadigan Psiphon ilovasi ishga tushirildi, bu tizim proksilarini taniydigan har qanday ilovaga Psiphon tunneli orqali tarmoqqa kirish imkonini berdi. 2012-yil oxirida Psiphon 3 mobil qurilmalar uchun ham taqdim etildi. Psiphon 3 dinamik va barqarordir. Yetakchi dasturchilardan iborat mutaxassislar jamoamiz dasturni takomillashtirish va internetda uchraydigan tobora ilgʻor senzura usullariga qarshi kurashish ustida tinimsiz ish olib bormoqda. Bu shuni anglatadiki, Psiphon boshqa oddiy VPN’lar ishlamay qolgan paytda ham koʻpincha ishlayveradi. Psiphon’ning barcha dasturiy taʼminoti ochiq manbali boʻlib, xavfsizlik boʻyicha mustaqil tekshiruvdan oʻtgan.
Psiphon mashhurligi koʻp jihatdan media homiylarimiz va hamkorlarimiz orqali olib borilgan targʻibotga bogʻliq. Biz Torontoda joylashgan ASL19 NNT bilan yaqindan hamkorlik qilamiz, ular Yaqin Sharq va Shimoliy Afrika mintaqasidagi internet foydalanuvchilariga oʻzlarining onlayn raqamli huquqlarini himoya qilishda va axborot olishda yordam beradi. Biz, shuningdek, Deutsche Welle, BBC va Voice of America kabi yirik teleradioeshittirish kompaniyalari bilan oʻz auditoriyasiga yetib borishlariga yordam berish hamda Psiphon foydalanuvchilariga yangiliklar va ochiq Internetga kirish imkoniyatini taqdim etish uchun ishlaymiz.
Shuningdek, biz kontent tarqatish tarmogʻimiz orqali koʻplab tashkilotlar bilan ularning turli loyihalari haqida xabardorlikni oshirishda hamkorlik qila oldik. Oʻtgan yili biz LGBT masalalari boʻyicha xabardorlikni oshirishga yordam bergan BFI Flare kinofestivalini targʻib qildik. Shuningdek, Nepalda yuz bergan zilziladan soʻng ofatdan jabr koʻrgan mintaqaga eʼtibor va xayriyalarni jalb qilish uchun Action Against Hunger tashkilotini targʻib qildik. Bu yil biz soʻz erkinligi haqidagi bir qator hujjatli filmlarni targʻib qilish uchun Google Jigsaw va VICE News bilan hamkorlik qildik, shuningdek, AQSH saylovchilarini bu yilgi prezidentlik saylovlarida ishtirok etishga undash uchun Global Citizen bilan hamkorlik qildik.
Turli xil hamkorlik imkoniyatlaridan tashqari, jamoamiz Internet erkinligiga taʼsir koʻrsatuvchi dolzarb masalalarni tushunish va gʻoyalar almashish uchun mahalliy tadbirlar hamda xalqaro konferensiyalarda faol ishtirok etadi. Oʻtgan haftada biz Internet Governance Forum doirasida VoIP taqiqlanishining hukumat, telekommunikatsiya va fuqarolik jamiyatiga taʼsiri mavzusida sessiya oʻtkazdik. Shuningdek, yaqinda Tailandda boʻlib oʻtgan birinchi Osiyo-Tinch okeani Internet boshqaruvi maktabida qatnashib, mintaqada Internet boshqaruvi bilan bogʻliq kuchayib borayotgan muammolar haqida maʼlumot oldik. Biz senzura tendensiyalarini oʻrganish va kengroq Internet erkinligi hamjamiyati bilan aloqa oʻrnatish uchun bir necha bor Internet Freedom Festivalda qatnashdik hamda kengroq texnik hamjamiyat uchun PETS maqolasiga hissa qoʻshdik.
Psiphon uchun bu voqealarga boy, innovatsion va hayajonli oʻn yil boʻldi! Biz kelajak nimalar olib kelishini intiqlik bilan kutamiz. 2017-yilda yangi innovatsiyalar va mahsulotlar chiqarilishini kuzatib boring!
10 yillik yubiley veb-saytimizni koʻrish uchun psiphon.ca saytiga tashrif buyuring va oʻyinimizni birinchilardan boʻlib oʻynang!
2017-yilda Psiphon bilan hamkorlik qilishni xohlaysizmi? Biz bilan info@psiphon.ca orqali bogʻlaning
Yangi yangilanishlardan xabardor boʻlish uchun Twitter va Facebook sahifalarimizga obuna boʻling!