Turkiyada ijtimoiy tarmoqlar va internet taqiqi
21/11/2016 - 1 daqiqalik mutolaa
Yangilangan: 26/10/2021
4-noyabr tongida Xalqlar demokratik partiyasidan (HDP) 12 nafar kurdparvar
qonunchining qo‘lga olinishi ortidan Facebook, Twitter, Instagram, YouTube, WhatsApp va Skype Turkiyada bloklandi. Turk
Telekom internet provayderi internetga ulanishni butunlay o‘chirib qo‘ygani yoki ulanib
bo‘lmaydigan darajada sekinlashtirgani haqida xabarlar berildi.
Cheklovlar bo‘yicha rasmiy qaror yo‘qligi va BTKning
butun Turkiya bo‘ylab texnik nosozlik yuz bergani haqidagi tushuntirishiga qaramay, Bosh
vazir Binali Yildirim kun davomida bayonot
berib: “Xavfsizlik nuqtai nazaridan vaqti-vaqti bilan bunday choralar
ko‘rilishi mumkin. Bular vaqtinchalik choralar. Xavf bartaraf etilgach, hamma narsa yana
o‘z iziga qaytadi”, deb aytdi.
Ijtimoiy tarmoqlar va internet taqiqlari ertasi kuni kechqurun mamlakatning ko‘p qismida
yakunlandi, biroq dam olish kunlarida ba’zi hududlarda qisqa muddatli ulanish muammolari
saqlanib qoldi va Turk Telekomning ayrim foydalanuvchilarida uzoqroq vaqt davomida
internet bo‘lmagani xabar qilindi.
Xuddi shu kuni bir nechta mahalliy nashrlar Turkiyaning
Axborot texnologiyalari va aloqa boshqarmasi (BTK) mamlakatdagi internet
provayderlariga senzuraning chetlab o‘tish
vositalarini bloklashni, jumladan Psiphon'ni buyurgani haqida xabar berdi. Mish-mishlarga qaramay, Psiphon o‘z
xizmatlariga salbiy ta’sir ko‘rsatilganiga oid hech qanday belgini ko‘rmadi.
BTK chetlab o‘tish vositalarini bloklash buyurilganini rad etdi; biroq
Transport, dengizchilik va kommunikatsiyalar vaziri Ahment Arslan shunday dedi: “Biz
VPN vositalaridan foydalanishni faqatgina terrorizm sabablari bilan cheklaymiz. Bunga
hech kim e’tiroz bildirmasa kerak.”