Facebook ካብ ኢንተርነት ጠፊኡ፤ ኣብ መላእ ዓለም ሰባት ሳንሱር ከም ዝተገብረ ገሚቶም

• ዓለምለኻዊ ኣጠቓቕማ Psiphon ኣብ እዋን ምቁራጽ Facebook ብዕለት 4 ጥቅምቲ 2021 ብ1.75 ሚልዮን መዓልታዊ ፍሉያት ተጠቀምቲ ወሲኹ።
  
• እዚ ወሰኽ ብፍላይ መድረኻት Facebook - እንተላይ Instagram፣ WhatsApp፣ ከምኡ’ውን ባዕሉ Facebook - ምስ ሓሓሊፉ ዝርአ ግን ከኣ ንጡፍ ዝኾነ ሳንሱር ተተሓሒዙ ስሩዕ ምቁራጻት ኣብ ዘጋጥሞም ዞባታት ኣዝዩ ልዑል ነይሩ።
• ኣብ ኣጠቓቕማ ዝዓበየ ወሰኽ ዘርኣዩ ዞባታት፡ ኣብ ዝሓለፉ ሒደት ዓመታት ዓበይቲ ፍጻመታት ሳንሱር ዘጋጠመለን ሓያሎ ሃገራት ይርከብአን፦ ኣዘርባጃን፣ ኩባ፣ ኢትዮጵያ፣ ኢንዶነዥያ፣ ዒራቕ፣ ሊብያ፣ ሜክሲኮ፣ ሱዳን፣ ከምኡ’ውን ሶርያ።
• ኩባ ካብቲ መሰረታዊ ኣጠቓቕማኣ ናይ 4.6 ዕጽፊ ወሰኽ ብምርኣይ ካብ 70,000 ናብ ልዕሊ 300,000 መዓልታዊ ፍሉያት ተጠቀምቲ በጺሓ፡ እዚ ድማ Psiphon ኣብቲ ዞባ ዘለዎ ኣገዳሲ ተራ ዘደልድል እዩ። ኣብ ሓምለ 2021፡ መርበብ Psiphon ኣብ እዋን ዒላማ ዝገበረ ምዕጻው መድረኻት ማሕበራዊ መራኸቢታትን መልእኽቲ መለዋወጥን፡ ንሳንሱር ዝገብሩ ኣካላት ጌና ዘንጸላልው ስግኣት ኣብ ዝነበረሉ እዋን፡ ናይ 1.4 ሚልዮን ተጠቀምቲ ካብ ኩባ ምውሳኽ ደጊፉ ነይሩ።
  
• እዚ ድማ Psiphon ቁልፊን እሙንን ዓለምለኻዊ ናይ ምርኻብ መፍትሒ ምዃኑ የርኢ።

ብዕለት 4 ጥቅምቲ፡ Facebook ንኹሎም መድረኻቱ እንተላይ ንFacebook፣ Instagramን WhatsAppን ዝጸለወ ርኡይ ዓለምለኻዊ ምቁራጽ ኣጋጢምዎ። እቲ እንተወሓደ ን6 ሰዓታት ዝጸንሐ ምቁራጽ፡ ብሰፊሑ ዝተዘገበ ኮይኑ ኣብ ልዕሊ ተጠቀምቲ እቲ መድረኽ ድማ ዓቢ ጽልዋ ነይርዎ።

ኣብቶም ዝቐጸሉ መዓልታት፡ ከም Cloudflareን Kentikን ዝኣመሰሉ ተዓዘብቲ መርበብ ዘካየድዎ ትንታነ፡ Facebook ብተግባር ካብ ኢንተርነት ብኸመይ ከም ዝጠፍአ ኣግሂዱ። እንተኾነ ግን ንተጠቀምቲ፡ እቲ ናይ መድረኻት Facebook ዘይምርካብ፡ ምስቶም ቅድም ክብል ነዞም ኣፕሊኬሽናትን መርበብ ሓበሬታታትን ዒላማ ዝገበሩ ዓበይቲ ፍጻመታት ሳንሱር ብግሁድ ተመሳሳልነት ነይርዎ። ከም ቀደሙ፡ Psiphon ምብራኽ Facebookን ካልኦት ፍርያቱን ንምርካብ ንዘጋጠመ ስእነት ከም ተፈጥሮኣዊ ምላሽ ኮይኑ ቀጺሉ።

ኣጠቓቕማ Psiphon ኣብ ዓለም ኣብ መዓልቲ እቲ ምቁራጽ ብልዕሊ 1.75 ሚልዮን ተጠቀምቲ ወሲኹ። እዚ ዕቤት ብፍላይ ኣብ ከም ኩባ ዝኣመሰላ ርኡይን ሓሓሊፉ ዝረአን ፍጻመታት ሳንሱር ዘጋጠመን ዞባታት ኣዝዩ ዝለዓለ ነይሩ፡ እንተኾነ ግን ኣብ ከም ኢንዶነዥያ ዝኣመሰላ ውሑድ ቀጥታዊ ሳንሱር ዘለወን ዞባታት እውን ከይተረፈ ርኡይ ዕቤት ተራእዩ እዩ።

እዚ ብደረጃ ህዝቢ ዝተራእየ ተቐባልነት፡ Psiphon ኣብ ምሉእ ዓለም ንተጠቀምቲ ኣብ ምርኻብ ብምድጋፍ ዘጥረዮ ምትእምማን ንጹር መርኣያ እዩ። ናይ ኦንላይን ሳንሱር እውን ብዙሕ ግዜ ዘይግሁድን ጠንቁ ንምፍላጥ ዘጸግምን ስለ ዝኾነ፡ ምቁራጽ Facebook ቴክኒካዊ ባህሪ ዝነበሮ እኳ እንተነበረ፡ ብብዙሕ መገድታት ካብ ፍጻመ ምዕጻው ብቐሊሉ ዝፍለ ኣይነበረን። ኣብ እዋን ፍጻመታት ሳንሱር መብዛሕትኡ ግዜ እቲ ደው ዝበለ ናይ መወዳእታ መድረኽ ዝኾነ Psiphon ኣብ እዋን ምቁራጽ ምጥቃሙ፡ ነቲ ዝተገመተ ምጽራይ ዝተዋህበ ተፈጥሮኣውን ቅጽበታውን ምላሽ መሲሉ ይረአ።

እቶም ኣብ ታሕቲ ዘለዉ ስእላዊ መግለጺታት፡ ንምቁራጽ ተኸቲሉ ኣብ መዓልታዊ ንጡፋት ተጠቀምቲ Psiphon ዘጋጠመ ምውሳኽ የርእዩ።

ኣዘርባጃን፦ 35,000 ተጠቀምቲ (8x)
ኩባ፦ 300,000 ተጠቀምቲ (4.6x)
ኢትዮጵያ፦ 45,000 ተጠቀምቲ (1.9x)
ኢንዶነዥያ፦ 250,000 ተጠቀምቲ (1.9x)
ዒራቕ፦ 210,000 ተጠቀምቲ (11x)
ሊብያ፦ 22,000 ተጠቀምቲ (1.8x)
ሜክሲኮ፦ 38,000 ተጠቀምቲ (1.5x)
ሱዳን፦ 100,000 ተጠቀምቲ (2.4x)
ሶርያ፦ 225,000 ተጠቀምቲ (1.5x)

እቲ ዝቐረበ ዳታ ብናይ ህዝቢ ናይ ዳታ መእተዊ ፖርታል Psiphon፡ https://psix.ca ኣቢሉ ክርከብ ከም ዝኽእል ነተሓሳስብ። እቲ ናይ Psiphon ናይ ዳታ ፖርታል ንክፉት ምንጪ ሶፍትዌርን ክፉት ዳታን ዘሎና ምሉእን ቀጻልን ተወፋይነት ኣካል እዩ።