Psiphon Yahudhuria APSIG ya Kwanza

Mnamo Septemba 11 hadi 15, 2016, Psiphon ilihudhuria Asia Pacific School of Internet Governance (APSIG) ya kwanza iliyoandaliwa Bangkok, Thailand.

Mafunzo hayo ya kikanda ya wiki nzima yalifanyika katika Asian Institute of Technology (AIT), ambapo zaidi ya washiriki 30 kutoka nchi mbalimbali za Asia Pacific walikutana ili kubadilishana uzoefu na maarifa yao kuhusu masuala ya Utawala wa Mtandao wa Kikanda. Iliyoandaliwa na the Internet Education and Research Laboratory (inTERLab), warsha hiyo ya siku tano iliwashirikisha wazungumzaji wakuu kutoka nyanja mbalimbali kama vile mashirika ya kimataifa, taasisi za kitaaluma, asasi za kiraia, serikali na sekta za kibiashara. Mashirika haya ni pamoja na: Internet Corporation for Assigned Names and Numbers (ICANN), Electronic Frontier Foundation (EFF), Asia-Pacific Network Information Centre (APNIC), Korea Advanced Institute of Science and Technology (KAIST), OpenNet Korea na Com First India.

Kama kampuni ya programu inayotengeneza zana inayoaminika inayowezesha ufikiaji wa maudhui ya Mtandao bila vizuizi, Psiphon ilifurahi sana kutoa maoni yake kuhusu masuala ya Utawala wa Mtandao, ikiwa ni pamoja na kuboresha uelewa wa umma kuhusu uhuru wa maudhui ya Mtandao katika Eneo la Asia Pacific. Tulifurahi sana kuungana na watumiaji wa muda mrefu, ndani ya shule hiyo, ili kukusanya na kuelewa maoni yaliyotolewa kuhusu programu yetu. Zaidi ya hayo, Psiphon ilijenga uhusiano na watumiaji wapya kutoka nchi za Asia Kusini na Kusini-Mashariki, kama vile Thailand, Pakistan na Philippines. Wakati wa warsha za kuigiza majukumu, Psiphon ilichangia katika ripoti ya mwisho kuhusu uwezeshaji wa watumiaji wapya wa Mtandao katika muongo ujao. Ripoti hii sasa inapatikana kwenye tovuti rasmi ya APSIG katika apsig.asia.

APSIG ni mpango wa majaribio uliotungwa na Dkt. Kilnam Chon na APSIG ijayo pia itaandaliwa Bangkok, Thailand.
Je, ungependa kuialika Psiphon Inc. kwenye tukio lako lijalo? Tutumie barua pepe kupitia info@psiphon.ca