Dhorkaa Miidiyaa Hawaasaa fi Interneetii Turkii Keessatti
11/21/2016 - 1 daqiiqaa dubbisaa
Haareffame: 10/26/2021
Erga seera-tumtoonni 12 deeggartoota Kuurdii
to'annaa jala oolfamanii Paartii Dimookiraatawaa Ummattootaa (HDP) irraa barii Sadaasa
4ffaa keessa, Facebook, Twitter, Instagram, YouTube, WhatsApp fi Skype Turkii keessatti cufamaniiru. Dhiheessaan intarneetii Turk
Telekom guutummaatti tajaajila intarneetii akka dhaabe yookiin hanga
qunnamuun hin danda'amnetti walqunnamticha suutessuu isaa gabaasni tureera.
Waa'ee daangessuu kanaa murtoon ifaa ta'e kan hin jirre ta'us, fi ibsa BTK
Turkii guutuu keessa rakkoon teeknikaa akka jiru kennee ture illee, Ministirri
Muummee Binali Yildirim boodarra guyyichuma sana ibsa
kennaniiru akkas jechuunis “Sababa nageenyaatiif, tarkaanfiiwwan akkasii
yeroo gara yerootti fudhatamuu danda'u. Tarkaanfiiwwan kun yeroof kan fudhatamanidha. Balaan
erga dhabamsiifamee booda wanti hundi gara duraaniitti deebi'a.”
Dhoowwaan miidiyaa hawaasaa fi intarneetii kutaa biyyattii irra caalu keessatti
galgala itti aanutti kan dhaabbate ta'us, dhuma torbaniitti naannolee tokko tokko keessatti
rakkoon walqunnamtii yeroo gabaabaa kan ture yoo ta'u, maamiltoonni Turk Telekom tokko tokko
yeroo dheeraadhaaf intarneetii akka hin qabne gabaafameera.
Guyyuma sanatti, miidiyaaleen naannoo hedduun Abbaan Taayitaa Teeknooloojii
Odeeffannoo fi Qunnamtii Turkii (BTK) dhiheessitoota intarneetii biyyattii
akka ajaje gabaasaniiru meeshaalee ittisa saensarii
bira darban akka cufan, Psiphon dabalatee. Oduun kun jiraatus, Psiphon tajaajilli isaa
miidhamuu isaa agarsiisa tokkollee hin argine.
BTK'n meeshaaleen ittisa bira darban akka cufaman ajajamuusaanii kan haale ta'us; haata'u malee
Ahment Arslan, Ministirri Geejjibaa, Galaanaa fi Qunnamtii, akkas jedhan: “Nuti
sababoota shororkeessummaa qofaaf itti fayyadama VPN daangessina. Dhugumatti eenyullee
kana irratti mormii hin qabaatu.”