Забарона сацыяльных сетак і інтэрнэту ў Турцыі
21.11.2016 - 1 хв чытання
Абноўлена: 26.10.2021
Пасля затрымання 12 пракурдскіх
дэпутатаў з Дэмакратычнай партыі народаў (HDP) рана раніцай
4-га лістапада Facebook, Twitter, Instagram, YouTube, WhatsApp і Skype былі заблакіраваныя ў Турцыі. Паведамлялася, што інтэрнэт-правайдар Turk
Telekom цалкам адключыў доступ да інтэрнэту альбо запаволіў
злучэнне настолькі, што падключыцца было немагчыма.
Нягледзячы на адсутнасць афіцыйнага рашэння аб абмежаваннях і тлумачэнне BTK,
што па ўсёй Турцыі ўзнікла тэхнічная праблема, прэм'ер-міністр
Біналі Йылдырым зрабіў заяву
пазней у той жа дзень і сказаў: «У мэтах бяспекі такія захады могуць
прымацца час ад часу. Гэта часовыя захады. Усё вернецца да
нормы пасля ліквідацыі небяспекі».
Блакіроўкі сацыяльных сетак і інтэрнэту скончыліся на наступны вечар у большай частцы
краіны, але на выхадных у некаторых рэгіёнах усё яшчэ былі кароткачасовыя праблемы са злучэннем,
і паведамлялася, што некаторыя карыстальнікі Turk Telekom заставаліся
без інтэрнэту на больш працяглы час.
У той жа дзень шматлікія мясцовыя выданні паведамілі, што Упраўленне па інфармацыйных
і камунікацыйных тэхналогіях Турцыі (BTK) загадала інтэрнэт-правайдарам
у краіне заблакіраваць сродкі
абыходу цэнзуры, у тым ліку Psiphon. Нягледзячы на чуткі, Psiphon не зафіксаваў ніякіх
прыкмет таго, што яго сэрвісы пацярпелі.
BTK абвергла распараджэнне аб блакіроўцы сродкаў абыходу цэнзуры; аднак
Ахмет Арслан, міністр транспарту, марскіх спраў і сувязі, заявіў: «Мы
абмяжоўваем выкарыстанне VPN толькі з меркаванняў барацьбы з тэрарызмам. Напэўна, ніхто не будзе
мець пярэчанняў супраць гэтага.»